среда, ноември 18, 2026
Дома СПОРТ Мурињо е подготвен да сервира неочекувана „бомба“

Мурињо е подготвен да сервира неочекувана „бомба“

0
epa13130669 Real Madrid's head coach Jose Mourinho leads the team's training session held at Alfredo di Stefano stadium, in Madrid, Spain, 24 July 2026. EPA/Victor Lerena

Скот Мектоминеи прерасна во еден од најважните играчи во дресот на италијанскиот калчолигаш Неапол. Репрезентативецот на Шкотска игра навистина добро во тимот од „Марадона“, но разговорите за продолжување на соработката во моментов не одат во посакуваната насока.

Иако Наполи сака да го продолжи договорот со својот играч од средниот ред, финансиските очекувања на двете страни сè уште се доста далечни. Ова, на крајот, би можело да доведе до разделба.

Шкотланѓанецот моментално има договор до летото 2028 година, но Наполи не сака да се најде во ситуација да го изгуби еден од своите најважни играчи за значително помала сума или дури и без обесштетување. Затоа, можноста за продажба се разгледува сè посериозно доколку не се постигне договор за продолжување на соработката.

Мектоминеи сака плата од најмалку седум милиони евра нето, а Наполи не може и не сака да му ја даде таа сума.

Според информациите што доаѓаат од Италија, евентуалниот трансфер на Мектоминеи би можел да се реализира за сума помеѓу 25 и 30 милиони евра. Таквата цена претставува интересна можност за европските гиганти, особено имајќи го предвид неговиот квалитет и искуство на највисоко ниво.

Реал (М) веќе покажа интерес и се распраша за ситуацијата на шкотскиот интернационалец. Неговото име претставува неочекувана опција на пазарот, а во Мадрид очигледно ја разгледува можноста за засилување на средниот ред со играч кој се докажа во италијанското и англиското првенство.

Мектоминај направи огромен чекор напред откако пристигна од Манчестер јунајтед во летото 2024 година, а особено се истакна во шампионската сезона на Наполи.

Неговата физичка сила, способноста да игра одзади и неговите голгетерски перформанси го прават интересно решение за најголемите европски клубови. Без оглед на тоа, приклучувањето кон редовите на „кралскиот клуб“ би бил навистина голем чекор напред во неговата кариера.

Жозе Мурињо сигурно знае што треба прави со овој играч и може да го претвори во уште поголем „ѕвер“ во Мадрид, и дефанзивно и офанзивно.

Сепак, Реал (М) не е единствениот што го следи развојот на ситуацијата. Милан, исто така, покажа интерес за шкотскиот играч од средниот ред, а Шкотланѓанецот нема да има проблем да каже „да“ на едно од големите имиња.

ИЗДВОЕНИ