Кремљ денеска повика на разбирање во врска со ограничувањата на мобилниот интернет во Москва за време на прославата на 80-годишнината од Денот на победата.
„Ова не се дефекти. Тоа се ограничувања на работата на мобилниот интернет од очигледни причини. Се разбира, треба да го третираме ова со апсолутно разбирање“, изјави за новинарите Дмитриј Песков, портпаролот на рускиот претседател Владимир Путин, истакнувајќи дека сите потребни појаснувања за ова прашање се веќе издадени, пренесува ТАСС.
Како што истакна, мора да се земе предвид опасното соседство што го има Русија.
Тој нагласи дека се можни ограничувања во текот на целиот период на престој на странските гости во Русија.
