Попладнево на патот Радишани Побожје во Скопје се случила тешка сообраќајна несреќа во која животот го загубил мотоциклист. Според првичните информации, момчето – мотоциклист, кое починало на лице место, било на возраст од 21 година.
Во несреќата учествувале патничко возило и мотоцикл, а полицијата врши увид на местото.
Според информациите од Министерството за внатрешни работи, несреќата била пријавена денеска, 7 август 2026 година, во 12:12 часот во СВР Скопје. Станува збор за судир на автомобил „Алфа Ромео“ со италијански регистарски ознаки, управуван од 46 годишен маж, и мотоцикл без регистарски ознаки, управуван од 19 годишниот Н.М. од скопското подрачје.
Полицијата сè уште врши увид на местото на сообраќајката, а поради интервенцијата на надлежните служби сообраќајот во овој дел од Скопје се одвива отежнато.
Дополнителни информации за околностите под кои дошло до судирот се очекуваат по завршувањето на увидот.
