Градоначалникот Сотир Лукровски денеска ги прими тројцата стипендисти на Општина Карпош кои со одлични резултати ја претставија Македонија на 30. Јуниорска балканска математичка олимпијада – JBMO 2026 во Бузау, Романија.
Станува збор за Дарјан Мирчевски од ООУ „Вера Циривири-Трена“, кој освои бронзен медал, постигнувајќи го најдобриот резултат во македонскиот тим, Калина Тортевска од ООУ „Јан Амос Коменски“, која доби пофалница, и Андреа Јовановска од ООУ „Петар Поп Арсов“, која имаше значаен придонес во настапот на репрезентацијата.
– Горди сме на нашите млади математичари. Нивниот успех е потврда за знаењето, талентот и за посветеноста на младите од Карпош. Општина Карпош продолжува да вложува во образованието и во развојот на младите таленти. Честитки и уште многу успеси! – истана Лукровски.
