Мистериозна зараза на крузер: Три лица починаа, СЗО и ЕЦДЦ се во подготвеност

Европскиот центар за превенција и контрола на болести (ECDC) соопшти дека го следи појавувањето на хантавирус на крузер што плови во Атлантикот, што резултираше со три смртни случаи.

ECDC соопшти дека е во постојан контакт со националните здравствени власти и Светската здравствена организација (СЗО) за да ги процени епидемиолошките податоци, да го идентификува изворот на инфекцијата и да го процени ризикот од понатамошно ширење на инфекцијата во Европа.

„ECDC ќе објави нови информации штом ќе станат достапни“, соопшти институцијата.

Инаку, три лица починаа поради сомневање за ширење на вирусот на крузер во Атлантскиот Океан, потврди СЗО за BBC.

Забележан е еден потврден случај на хантавирус, додека пет други сомнителни случаи се под истрага.Инцидентот се случил на крузерот MV Hondius, кој пловел од Аргентина до Зелен ’Рт, објави BBC.

Инфекцијата со хантавирус обично се поврзува со изложеност на животната средина, како што е контакт со урина или измет од заразени глодари. Сепак, во ретки случаи може да се шири меѓу луѓето и да предизвика тешка респираторна болест.

Хантавирусот започнува безопасно, а завршува фатално – ова се симптомите што не треба да се игнорираат