Милановиќ: Претседателот на Србија дава необични изјави; Вучиќ: Хрватскиот претседател нема да ми каже што да зборувам

Хрватскиот претседател Зоран Милановиќ денес коментираше за набавката на хиперсонични ракети за српската армија, како и за пораката на претседателот Вучиќ за опасноста од воениот сојуз на Загреб, Тирана и Приштина.

„Набавката на ракети е нивна суверена одлука. Морам да признаам дека не разбирам што сакаат да постигнат со овој вид вооружување. Трошат многу. Трошат по динамика и редослед што не е многу јасен во нивната пресметка. Бог знае од каде доаѓаат средствата и дали сè е платено. Факт е дека Кина им продаде нешто. Тие набавија некои системи за електронско војување и од Русија, кои се врвни“, рече Милановиќ.

Зошто Србија го прави ова, праша Милановиќ и посочи на историското искуство.

„Фактот дека сакаат да имаат силна одбрана е разбирлив. Тие имаат некои историски искуства, тие се различен народ, различна нација. Искуствата се различни, но тие се снабдуваат и со офанзивно оружје. Можам да кажам дека сум загрижен, а сепак Хрватска е во НАТО и во ЕУ. Србија е изолирана земја, опкружена со членки на НАТО“, рече Милановиќ.

Хрватскиот претседател верува дека српскиот претседател Александар Вучиќ дава „необични изјави“.

„Веќе го предупредив еднаш насамо и пред пет, шест, седум сведоци во Албанија пред половина година, дека ниту еден меморандум на Хрватска, Албанија и Косово за соработка во областа на војската потпишан од министерот и кој не претставува меѓународен договор, дека тоа не е воен сојуз. Еве го пред два дена зборува за планот на Хрватска, Косово и Албанија да ја нападнат Србија“, рече Милановиќ.

Тоа, вели тој, е доста интересно, бидејќи, според него, нема војска за такво нешто.

„Па, како, со што да нападнат? Зошто? Први да нападнат. Со седумнаесет илјади војници, од кои пополнети се четиринаесет илјади. И ние немаме војска за тоа. Можете да ми верувате на збор. Значи, ме обвинувате дека планирам некаков изговорен напад врз Србија. Тоа не е добро да се слушне. Освен што е глупаво“, рече хрватскиот претседател.

Вучиќ: Јас го штитам мирот и почитта на Србија

Претседателот Александар Вучиќ рече дека ќе го штити мирот и стабилноста на Србија, како и почитта кон земјата и народот, и дека ниту хрватскиот претседател ниту некој друг нема да му диктира што треба да зборува.

„Претседателот (Зоран) Милановиќ денес рече дека Вучиќ треба да внимава што зборува. Гледате, тие не само што ја одредуваат нашата судбина, како и што треба да се случи во Србија, па ако им се допаѓа, тогаш сме биле добри, а ако не им се допаѓа, тогаш сме лоши. Тие сакаат и да одредуваат што ќе зборуваме. Јас сум Александар Вучиќ, јас сум горд претседател на Србија и ниту хрватскиот претседател ниту кој било друг нема да одлучи што ќе кажам“, рече Вучиќ на митингот во Бајина Башта.

Тој додаде дека Србија сака мир и многу подобри односи со Хрватска.

„Не се жалам за тоа што го кажуваат. Нема лошо што не го кажале за оваа земја, нема ништо лошо и гнасно и бруталната и валкана кампања што не ја водеа против мене, моето семејство и сè што е организирано. И никогаш не се жалев за тоа. Никогаш не се жалев, не плачев и не велев дека ми е тешко. Не е. Но, ако вие нам ни кажувате – пазете што зборувате – нема да го слушам тоа и нема да ви служам, внимавајте што правите, тоа е мојата порака до вас, и дека она што го кажувате одмна не ме допира“, истакна Вучиќ.

Како што додаде, да знаел колку на Хрватите ќе им „се допадне“ ракетата што ја купи Србија, ќе ја купел порано.

„Повторно, драги пријатели, нека одлучат тие наместо нас, тие можат да имаат сè, можат да бидат членки на НАТО, можат да имаат сè, можат да купат што сакаат, а ние Србите треба да ги прашаме што ќе купиме. Претпоставувам дека не смееме да имаме своја земја, а тоа е разликата помеѓу нас и оние кои сакаат да нè уништат. Сакаме да имаме своја земја со која ќе бидеме горди, која ја сакаме повеќе од сè. Нема да напаѓаме никого друг, нема да се закачаме со никого, но секогаш ќе бидеме подготвени и доволно силни да го одвратиме секој што мисли дека може да ја нападне Србија“, рече Вучиќ.