Илон Маск се приклучи на сè погласните барања Џенсен Хуанг да се врати на позицијата извршен директор на „Nvidia“. Маск потврди дека потпишал петиција за негово повторно поставување на чело на компанијата. Реакцијата на Маск дојде само еден ден откако долгогодишниот лидер на „Nvidia“ поднесе оставка под притисок на скандал – предизвикан од неговото признание за вонбрачна врска со жена за која американските разузнавачки служби се сомневаат дека е кинески шпион.
Во објава упатена до неговите повеќе од 240 милиони следбеници на социјалната мрежа X, сопственикот на „Тесла“ (Tesla) и „Спејс-икс“ (SpaceX) наведе дека е во тек петиција за враќање на Џенсен Хуанг – и дека тој самиот го ставил својот потпис на неа. Иако не прецизираше точно која иницијатива ја поддржува, имињата на Илон Маск и на неколку други истакнати раководители од Силиконската долина се појавија на веб-страницата standwithjensen.com.
Петицијата, која веќе е потпишана од илјадници луѓе, изразува загриженост дека Џенсен Хуанг бил отстранет од својата позиција без соодветна или правична анализа на сите околности.
Внатрешни превирања и отворена понуда за работа
Притисокот врз Управниот одбор на „Енвидија“ доаѓа не само однадвор, туку и од внатрешните редови на компанијата. Според магазинот Wired, уште во четвртокот на внатрешната мрежа на „Енвидија“ почнал да кружи апел од вработените со кој се бара враќање на поранешниот извршен директор. Објавата собра над 1.600 коментари во рекордно време. Големо мнозинство од вработените отворено ја поддржуваат идејата Хуанг да се врати и повторно да застане на чело на компанијата што ја основаше.
Покрај поддршката што ја доби од Маск и од американскиот претседател Доналд Трамп, се чини дека Хуанг нема да има потешкотии да најде нова улога, доколку Управниот одбор остане на својата одлука. Како одговор на предлогот од еден корисник на X, тој да го ангажира поранешниот шеф на „Енвидија“ во некоја од неговите компании, Илон Маск одговори кратко и недвосмислено дека за него тоа би претставувало голема чест.
