Како што истакна градоначалникот на „Центар“ Герасимовски, оваа година манифестацијата ја посветуваме на 9 Мај – Денот на Европа и 50 години Општина Центар.
Граѓаните ќе имаат можност да се забавуваат до полноќ со „Куку Леле“ и „Илче Брас Левис Бенд“, кои ќе се погрижат за одлична атмосфера и незаборавна вечер, ветуваат од општината.
Градоначалникот упати покана до сите граѓани да им се придружат на центарци и вечерва во Паркот на Франкофонијата – да уживаме заедно во музиката, вкусната храна и прекрасната атмосфера која го обединува Центар.
