Маѓар: Орбан сѐ уште не е способен да преземе одговорност

Лидерот на партијата Тиша, Петер Маѓар, кој е иден кандидат за формирање нова влада во Унгарија откако неговата партија освои двотретинско мнозинство на парламентарните избори, денес изјави дека премиерот во заминување Виктор Орбан сè уште не е способен да преземе одговорност, по неговата најава дека ќе го врати парламентарниот мандат што го освои на изборите.

„Храбриот уличен борец сè уште не е способен за едно нешто, преземање одговорност. Виктор Орбан стана поранешниот социјалистички премиер на Фидес, Ференц Ѓурчани. Нема демократска опозиција со шеф на мафијата“, рече Маѓар во објава на Фејсбук, пренесува MTI.

Орбан ја предводеше заедничката листа на Фидес и КДНП на парламентарните избори на 12 април, на кои Тиша освои 141 пратенички места, Фидес-КДНП 52 места, а партијата Наша Татковина шест места.