На инаугуративната седница на унгарскиот парламент, новиот премиер на земјата, Петер Маѓар, одржа жесток говор и од салата отворено побара оставка од претседателот, кој беше во публиката. Тој го започна својот говор велејќи дека ја чувствува и разбира својата одговорност, дека ја видел судбината на своите претходници.
„Видов како позицијата премиер може да се користи за да се служи на владата наместо на нацијата. Видов како владата може да зароби човек и како политичката заедница може да изгуби контакт со оние од кои го црпела својот авторитет“, рече Маѓар.
Сепак, најинтересниот дел од говорот се однесуваше на унгарскиот претседател Тамаш Шулок.
„Јавните институции, луѓето во нив, станаа политички слуги на претходниот систем или отсекогаш биле такви. Тие го испразнија системот на проверки и рамнотежа. Тие треба да поднесат оставка денес или до 31 мај. Тамаш Шулок треба веднаш да го започне овој процес“, го повика Маѓар унгарскиот претседател.
Тој го нарече и кукавица кој е неспособен да го претставува националното единство на Унгарија.
„Време е да си заминете со крената глава додека сè уште можете“, рече тој.
Шефот на државата, седејќи во својата ложа, го слушаше овој дел од говорот со насмевка на лицето.
ИЗДВОЕНИ
ДВЕ ГОДИНИ ОД ВЛАДАТА НА ПРЕМИЕРОТ ХРИСТИЈАН МИЦКОСКИ, АНАЛИТИЧАРИТЕ ОЦЕНУВААТ: Половина мандат, половични оцени – најсериозните предизвици остануваат
Секој ден по две повреди на работното место, градежништвото останува најсмртоносно
Инспекторите им дишат во врат, Мицкоски им се закани со казни, ќе ги намалат ли цените маркетите?
Дизелот ќe поевтини за 7 денари, бензините до 4 денари по литар – Македонија со најевтини горива од соседите
