Летото ќе се уредат сите училишта во Аеродром  

Општина Аеродром информира дека уште пред крајот на оваа учебна година се започнати активности за уредување и подобрување на условите во основните училишта на нивната територија, затоа што, како што велат, грижата за учениците и нивното образование останува еден од нивните приоритети.

Инаку, во тек е уредување на дел од фасадата и поставување хидроизолација во ООУ „Александар Македонски“, со што дополнително се заштитува училишната зграда и се подобруваат условите за учениците и за наставниците.

– Паралелно, во ООУ „Љубен Лапе“ се реконструираат спортските соблекувални, со замена на вратите, подот и други елементи, за поквалитетен и пофункционален простор – соопштија од локалната самоуправа, нагласувајќи дека летниот распуст ќе го искористат за инвестиции и уредување на сите основни училишта во Аеродром, со цел учениците новата учебна година да ја започнат во уште подобри услови.