Жалбата што ја поднесе поранешниот директор на Царинската управа, Стефан Богоев, против решението за определување притвор сè уште не е доставена на одлучување до Кривичниот совет, информираат од Основниот кривичен суд Скопје.
Од Судот велат дека жалбата во петокот била проследена до надлежното обвинителство, но јавниот обвинител сè уште нема доставено мислење по истата.
„По однос на жалбата на осомничениот С.Б., известуваме дека во петокот истата е доставена до обвинителството и јавниот обвинител сè уште нема дадено мислење. По комплетирање на списите, судија на претходна постапка предметот ќе го достави до Кривичниот совет на одлучување“, соопштија од Основниот кривичен суд Скопје.
Богоев е осомничен во истрагата што ја отвори Обвинителството за гонење организиран криминал и корупција, а која се однесува на сомнежи за злоупотреби во постапка за јавна набавка за одржување на хигиената на граничните премини и царинските терминали.
ИЗДВОЕНИ
ЖИВОТНИ ПАТОКАЗИ, ЗОРАН КРСТЕВСКИ: Лек за душевно страдање
ПРЕСАДЕНИТЕ СРЦЕ И БУБРЕГ СПАСИЈА ДВА ЖИВОТА: Хуман чин на скопско семејство ја врати надежта во силата на дарувањето на органите
Коњско и Голем Град – дијалози со езерото што чува спомени и со островот што зборува со векови
Концерт на Јован Јованов и Елвир Мекиќ: Сензацијата во бело ја разбуди носталгијата на една генерација/ФОТОГАЛЕРИЈА
