Проект вреден 22 милиони долари произлезе од една едноставна, но суштинска идеја: браќата и сестрите што влегуваат во системот за згрижување во семејство, не треба да бидат разделувани.
Во Палмдејл, Калифорнија, отворена е посебна заедница за згрижувачки семејства, иницирана од актерот Кристијан Бејл и неговата непрофитна организација „Together California“. Комплексот опфаќа 12 целосно опремени куќи со по три спални соби, како и две помали станбени единици наменети за млади луѓе кои го напуштаат системот за згрижување поради полнолетство. Исто така, содржи градини, заеднички простории и објекти дизајнирани за средби на децата со нивните биолошки родители.
Бејл лично работел на проектот со години, разговарајќи со агенции за заштита на децата и составувајќи тим од експерти за да ја претвори својата визија во модел за долгорочна грижа.
Актерот изјави дека неговиот пристап кон хуманитарната работа е обликуван од сопствените искуства како родител и од детството, во текот на кое учествувал во општествен активизам и протести заедно со својот татко.
Можеби Кристијан Бејл повеќе не е Бетмен, но очигледно сè уште верува дека привилегијата носи одговорност кон другите.
ИЗДВОЕНИ
Овците умираат, субвенциите за кравите доцнат, пиперките и грозјето скапуваат
Сиљановска-Давкова на 22. Европски самит во Салцбург: Проширувањето е тест за стратешкиот капацитет на Европската Унија
ГОЛЕМА АКЦИЈА НА МВР И АНБ ВО СКОПЈЕ: Приведени повеќе лица поради сомнение за тероризам
Продолжува мерката за намален ДДВ за дизелот до 12 октомври
