Кои податоци треба да ги наведете во ЕТИАС при влез во ЕУ? Формуларот ќе треба да го пополнат и македонските граѓани!

Од личните податоци и информациите за пасошот, преку вработувањето и образованието, до податоците за патувањата и евентуалните пресуди — ова се информациите што патниците ќе мора да ги наведат во барањето за ЕТИАС. Повеќето пријави би требало да бидат обработени во рок од 96 часа, но во одделни случаи процедурата може да потрае значително подолго.

Ако планирате патување во некоја од европските земји кои бараат ЕТИАС (ETIAS) од државјаните на Македонија, нема да биде доволно само да имате важечки пасош. Пред патувањето ќе биде потребно да поднесете електронско барање за одобрување на патувањето.

Самата пријава не е замислена како комплицирана процедура и пополнувањето на образецот би требало да трае помалку од 10 минути. Сепак, од патниците ќе се бара да внесат прилично широк сет на податоци, па добро е однапред да знаат што ќе им биде потребно.

Кои податоци мора да ги наведете?

При пополнување на барањето за ЕТИАС ќе биде потребно да ги наведете следниве информации:

Лични податоци: полно име и презиме, датум и место на раѓање, пол, националност, адреса на живеење, е-адреса и телефонски број.

Податоци за родителите: име и презиме на родителите, доколку тие податоци се познати.

Податоци за патната исправа: број на пасошот, датум на издавање и датум на истекување, како и земјата и местото на издавање, односно органот што го издал.

Податоци за вработувањето: информации за моменталниот или последниот работодавач.

Податоци за образованието: податоци за моменталната образовна установа или местото на студирање.

Податоци за планираното патување: земјата од ЕУ во која сакате да пристигнете и адресата на првото сместување во таа земја.

Одредени податоци за безбедносниот и миграцискиот статус: меѓу другото, информации за претходни кривични осуди, патувања во одредени подрачја зафатени со конфликти, како и евентуални претходни одлуки за враќање.

Во водичот за ЕТИАС (ETIAS) системот на Европската комисија се нагласува дека посебни правила при поднесувањето барање важат за малолетници. Информативно, ако барањето го поднесува лице помладо од 18 години, се наведуваат и името и контакт податоците на родителот или законскиот старател одговорен за неговата добробит.

Ако барањето го поднесува некој друг

ЕТИАС барањето не мора во секој случај да го пополнува самиот патник. Ако некој друг поднесува барање во негово име, тоа лице мора да ги наведе своето име и презиме, контакт податоците, а доколку е применливо, и називот и податоците на организацијата или претпријатието што го претставува. Исто така, ќе мора да наведе каков е неговиот однос со подносителот на барањето и да потврди дека и подносителот на барањето и лицето што го застапува потпишале изјава за застапување.

Ако имате член на семејството во ЕУ

За патниците кои имаат член на семејството што е државјанин на земја која бара ЕТИАС (ETIAS) или државјанин на трета земја со право на слободно движење во ЕУ, ќе се бараат и дополнителни информации.

Во тој случај потребно е да се наведат личните податоци на членот на семејството и да се објасни природата на роднинската врска со тоа лице.

Колку трае пополнувањето и обработката на барањето

Самото пополнување на електронскиот образец би требало да трае помалку од 10 минути. По испраќањето на барањето, повеќето пријави би требало да бидат обработени автоматски, а одлуката да пристигне во рок од 96 часа или помалку.

Сепак, одделни барања може да бараат дополнителна проверка. Во такви случаи процедурата може да трае подолго, особено ако од патникот се побара дополнителна документација или разговор. Важно е и дека ЕТИАС се издава за секој сопственик на пасош поединечно. Ако патува семејство, секој член на семејството мора да има сопствено барање, без оглед на тоа дали патуваат заедно или не.

Инаку, при започнување на пријавата можно е да се зачува работна верзија од образецот. Таа останува достапна 48 часа, во текот на кои барањето може да се продолжи и да се доврши. По истекот на тој рок, работната верзија се брише и пријавата мора да се започне одново.

Одлуката се доставува по е-пошта на адресата наведена во пријавата. Ако пораката не пристигне во рок од 96 часа, препораката е да се провери и папката за несакана пошта (спам).

Што ако бараат дополнителни информации Ако надлежните органи проценат дека за обработка на барањето се потребни дополнителни информации, патникот за тоа ќе биде известен преку е-пошта. Тогаш ќе има 10 дена да ги достави бараните податоци.

Доколку дополнителните информации бидат прифатени, одлуката би требало да биде донесена најдоцна во наредните 96 часа.

Ако ни тогаш нема доволно информации за донесување одлука, патникот може да биде повикан на интервју. Разговорот може да биде организиран онлајн или во соодветниот конзулат, а одлуката се донесува во рок од 48 часа по интервјуто.

Кога е најдобро да се поднесе барањето Иако повеќето барања се обработуваат многу брзо, препораката е ЕТИАС да не се остава за последниот момент.

Најсигурно е одобрението да се добие пред купувањето авионска карта или резервацијата на сместување, посебно ако патувањето е временски важно.

Зошто ЕТИАС барањето може да биде одбиено Постојат повеќе причини поради кои барањето за одобрување на патувањето може да биде одбиено.

Меѓу нив се:

• патната исправа е пријавена како изгубена или украдена;

• проценето е дека подносителот претставува безбедносен ризик, ризик од илегална миграција или висок ризик од епидемија;

• бараните дополнителни информации или документација не се доставени во предвидениот рок;

• подносителот не се појавил на закажаното интервју;

• претходно му бил одбиен влезот или престојот во некоја земја од ЕУ, со постоење на соодветно предупредување;

• постојат основани сомнежи во веродостојноста на доставените податоци, изјави или документи.

За одлуката и причината за одбивање патникот се известува преку е-пошта, а во неа се наведуваат и информации за можноста за покренување жалбена постапка.

Што ако ви го одбијат барањето Одбивањето на ЕТИАС барањето не значи нужно дека приказната е завршена. Патникот има неколку можности. За одлуката и причината за одбивање патникот се известува преку е-пошта, а во неа се наведуваат и информации за можноста за покренување жалбена постапка.

Потсетуваме, Европската Унија планира ЕТИАС системот да започне со примена во последниот квартал од оваа година. Точниот датум за почеток на примената сепак сè уште не е објавен, а од Брисел најавуваат дека „секако ќе го објават неколку месеци порано“.

Таксата за поднесување барање, како што е познато, ќе чини 20 евра.

Еднаш одобрениот ЕТИАС важи три години или до истекот на важноста на пасошот на подносителот на барањето.

Сепак, одделни барања може да бараат дополнителна проверка. Во такви случаи процедурата може да трае подолго, особено ако од патникот се побара дополнителна документација или разговор. Важно е и дека ЕТИАС се издава за секој сопственик на пасош поединечно. Ако патува семејство, секој член на семејството мора да има сопствено барање, без оглед на тоа дали патуваат заедно или не.

Инаку, при започнување на пријавата можно е да се зачува работна верзија од образецот. Таа останува достапна 48 часа, во текот на кои барањето може да се продолжи и да се доврши. По истекот на тој рок, работната верзија се брише и пријавата мора да се започне одново.

Одлуката се доставува по е-пошта на адресата наведена во пријавата. Ако пораката не пристигне во рок од 96 часа, препораката е да се провери и папката за несакана пошта (спам).

Што ако бараат дополнителни информации

Ако надлежните органи проценат дека за обработка на барањето се потребни дополнителни информации, патникот за тоа ќе биде известен преку е-пошта. Тогаш ќе има 10 дена да ги достави бараните податоци. Доколку дополнителните информации бидат прифатени, одлуката би требало да биде донесена најдоцна во наредните 96 часа.

Ако ни тогаш нема доволно информации за донесување одлука, патникот може да биде повикан на интервју. Разговорот може да биде организиран онлајн или во соодветниот конзулат, а одлуката се донесува во рок од 48 часа по интервјуто.

Кога е најдобро да се поднесе барањето

Иако повеќето барања се обработуваат многу брзо, препораката е ЕТИАС да не се остава за последниот момент. Најсигурно е одобрението да се добие пред купувањето авионска карта или резервацијата на сместување, посебно ако патувањето е временски важно.

Зошто ЕТИАС барањето може да биде одбиено

Постојат повеќе причини поради кои барањето за одобрување на патувањето може да биде одбиено.

Меѓу нив се:

патната исправа е пријавена како изгубена или украдена;

проценето е дека подносителот претставува безбедносен ризик, ризик од илегална миграција или висок ризик од епидемија;

бараните дополнителни информации или документација не се доставени во предвидениот рок;

подносителот не се појавил на закажаното интервју;

претходно му бил одбиен влезот или престојот во некоја земја од ЕУ, со постоење на соодветно предупредување;

постојат основани сомнежи во веродостојноста на доставените податоци, изјави или документи.

За одлуката и причината за одбивање патникот се известува преку е-пошта, а во неа се наведуваат и информации за можноста за покренување жалбена постапка.

Што ако ви го одбијат барањето

Одбивањето на ЕТИАС барањето не значи нужно дека приказната е завршена. Патникот има неколку можности. За одлуката и причината за одбивање патникот се известува преку е-пошта, а во неа се наведуваат и информации за можноста за покренување жалбена постапка.

Европската Унија планира ЕТИАС системот да започне со примена во последниот квартал од оваа година. Точниот датум за почеток на примената сепак сè уште не е објавен, а од Брисел најавуваат дека „секако ќе го објават неколку месеци порано“.

Таксата за поднесување барање, како што е познато, ќе чини 20 евра. Еднаш одобрениот ЕТИАС важи три години или до истекот на важноста на пасошот на подносителот на барањето.