Државниот обвинител Љупчо Коцевски во изјава за новинарите ги отфрли наводите за селекстивност во постапувањата на обвинителството во истрагата за пожарот во дискотеката Пулс во Кочани каде загинаа 62 млади луѓе. Вели дека истрагата е во фаза кога се испрашуваат сведоците кои биле присутни во дискотеката кобната ноќ, како и оштетените, односно родителите на загинатите и тешко повредените. На новинарско прашање дали ќе се прошири истрагата за полициските службеници кои биле вечерта во дискотеката „Пулс“, Коцевски рече дека сѐ до завршување на истрагата можно е евентуално проширување, но, вели, тоа зависи од доказите и она што ќе го обезбедат јавните обвинители. Според Коцевски, нема никаква селективност во истрагата досега, а нема да има ни понатаму.
„Во Јавното обвинителство за организиран криминал има постапка за 14 или 15 лица, за кои нема определено мерки притвор. Нема никаква селективност досега, нема да има ни понатаму. Како што веќе имам кажано, сѐ до завршување на истрагата можно е евентуално проширување, меѓутоа тоа зависи од доказите и од она што јавните обвинители ќе го обезбедат. Истрагата е во исклучително важна фаза сега, затоа не можам да споделувам подетални информации во однос на истрагите кои што се водат, изјави Коцевски според кој истрагата треба да заврши до средината на јуни. (П.А.)
ИЗДВОЕНИ
Тошковски за случајот со убиството во Велес: МВР поднело кривична пријава, обвинителството бара, а судот одредува притвор и носи пресуда
Македонскиот Пулс и во „брзата правда“ потсетува на романскиот Колектив
Годинава минималниот износ на К-15 ќе биде 18.000 денари, а за добрите фирми „само небото е граница“
Во последните 5 години, дури 20 усмртени во семејно насилство
