Кинески суд осуди поранешен висок локален функционер на смрт – виновен е за корупција, перење пари, злоупотреба на службената должност..

Кинески суд во понеделник го осуди Јанг Јулин, поранешен висок локален функционер во источниот град Нанџинг, на смрт, прогласувајќи го за виновен за корупција, злоупотреба на службена должност, перење пари и други кривични дела.

Јанг нелегално примил пари и имот во вредност од повеќе од 324 милиони американски долари додека извршувал разни владини функции од 1993 до 2023 година, соопшти Средниот народен суд Чангжу во покраината Џангсу во првостепена пресуда објавена во понеделник.

За време на долгогодишната антикорупциска кампања што ја започна кинескиот претседател Си Џинпинг, милиони вработени во огромниот државен апарат беа под истрага. „Јанг Јулин го даде својот завршен збор на судот, ја призна вината и изрази каење“, се вели во соопштението на судот.

Во неодамнешните големи случаи на корупција, смртната казна е изречена кога вредноста на нелегално стекнатите средства надминувала 147 милиони американски долари. Во 2024 година, Ли Џианпинг, функционер од регионот Внатрешна Монголија, беше погубен откако беше прогласен за виновен во случај во кој се вклучени повеќе од 440 милиони американски долари.

Во друг голем случај, Џанг Џонгшенг, функционер од покраината Шанкси, беше осуден на смрт во 2018 година за примање мито над 147 милиони американски долари. Сепак, по жалбата, неговата казна беше заменета со условна смртна казна во 2021 година, која подоцна беше заменета со доживотен затвор, пренесе Вјести.ба.