„Очекувам цените на авионските билети во Европа да пораснат за 10, 15, па можеби дури и 20 отсто во текот на следните 12 месеци“, изјави О’Лири на прес-конференција во Брисел, пренесува Ројтерс.
Војната на Блискиот Исток предизвика остар раст на цените на авионското гориво, што ги намали профитните маржи на авиокомпаниите кои претходно не ги заштитиле (хеџирале) трошоците за гориво.
О’Лири истакна дека „Рајанер“ и другите европски превозници имаат добро заштитени позиции за 2026 година; сепак, повеќето европски авиокомпании имаат многу малку такви договори за периодот од април 2027 година па натаму.
Според О’Лири, на почетокот на конфликтот кон крајот на февруари, „Рајанер“ имал заштитено 80 отсто од своите потреби за гориво по цена од 67 долари за барел, покривајќи го периодот до март 2027 година.
Сепак, за претстојната година, ирската авиокомпанија има заштитено само 15 отсто од своите потреби за гориво по цена од 85 долари за барел – што е значително под моменталните пазарни цени. Во Брисел, О’Лири исто така најави укинување на 20 линии и повеќе од еден милион седишта од зимскиот распоред на летови во Белгија, поради планираното зголемување на таксата за воздушен сообраќај таму – од два на седум евра, почнувајќи од јануари, пренесе „Танјуг“.
ИЗДВОЕНИ
Инјекција во здравството – 100 нови возила за побрза Брза помош
Обвинителство: Не губиме контрола врз предметот Лотарија, се истражува зошто првиот сведок ја „сврте“ изјавата
За автопатите, годинава се обезбедени 243 милиони евра, дел се заем од домашните банки
Од Владата уверуваат дека платите растат двојно побрзо од инфлацијата
