Државниот инспекторат за земјоделство од почетокот на годинава до 15 септември извршил 873 вонредни инспекциски контроли кај регистрирани откупувачи на земјоделски производи. Поради утврдени неправилности, изречени се 30 инспекциски мерки и издадени 17 платни налози, соопшти директорот Ивица Ангеловски.
Најчесто биле утврдувани откуп без договори со производителите, неисплатени обврски и непочитување на роковите за исплата, како и неизнесување ценовници. Констатирани се и случаи на користење неверификувани мерни инструменти и откуп без упис во регистарот на откупувачи.
Од 17 платни налози, три се платени, додека за другите се водат прекршочни постапки.
Ангеловски најави дека ќе продолжат контролите и во наредниот период, со цел заштита на правата и интересите на земјоделските производители. Инспекторатот истовремено учествува и во извозот на земјоделски производи преку издавање фитосанитарни сертификати.
ИЗДВОЕНИ
Поранешна финасова директорка приведена за нов случај на злоупотреби во Државна лотарија
Археолозите открија богат војнички гроб со злато и со оружје од 6. век пр.н.е. кај струшкото село Корошишта
Средба во Софија ќе има, ама ќе има ли пробив за Македонија?!
Се отвори Пандорината кутија, нема ДНК-доказ дека останките се на цар Самуил!
