Интервју што ја вознемири јавноста: Две земји би преживеале нуклеарна војна – 5 милијарди жртви за 72 минути, труење од радијација и мини ледено доба!?/ВИДЕО

Откако Израел и САД ги започнаа операциите „Рикачки лав“ и „Епски бес“ во саботата, Иран возврати со ракетни и беспилотни летала во Персискиот Залив, насочени кон американските воени бази во Бахреин и Ирак.

Стравувањата околу нуклеарната програма на Иран го оживеаја интервјуто со авторката Ени Јакобсен од минатата година во подкастот „Дневникот на еден извршен директор“, во кое таа предупредува на катастрофалните последици од можна нуклеарна војна. Според нејзиното истражување, глобален нуклеарен конфликт би можел да одземе пет милијарди животи само во првите 72 минути. Јакобсен предвидува дека ќе следи мини ледено доба.

„Поголемиот дел од светот би бил покриен со ледена покривка. Места како Ајова и Украина би биле под снег во следните 10 години“, рече Јакобсен. Покрај колапсот на земјоделството и раширениот глад, преживеаните би се соочиле со уште еден смртоносен проблем.

Три милијарди преживеани
„Ќе имаме труење со радијација бидејќи озонската обвивка ќе биде толку оштетена што нема да смееме да бидеме надвор на сончева светлина. Луѓето ќе бидат принудени да живеат под земја“, додаде авторката во подкастот.

Со експертот за климатски промени, професор Брајан Тун, Јакобсен идентификуваше само две земји кои би можеле да преживеат такво сценарио: Австралија и Нов Зеланд. Кога водителот Стивен Бартлет ја праша каде би требало да оди некој за да биде дел од „среќните“ три милијарди преживеани, Јакобсен потврди: „Токму таму би отишле. Според Тун, пак, тие се единствените места кои всушност би можеле да го одржат земјоделството.“

Хипотезата за Австралија и Нов Зеланд се базира на научна студија објавена во 2022 година во списанието Nature. Студијата истакнува дека Австралија произведува доволно пченица за да го нахрани сопственото население, дури и откако ќе се наруши меѓународната трговија. Сепак, двете земји се предупредени дека би можеле да се соочат со масовен прилив на бегалци кои бегаат од опустошените делови од светот.