Илјадници љубители на спортот и природата денеска трчаа и возеа до врвот на Водно. Тие беа дел од 14. издание на најмасовниот планински спортски настан во земјата „Прв до врв“.
Учесниците се натпреваруваа во пет категории: планинско трчање на 4,5 километри, планински велосипедизам на 9 километри, друмски велосипедизам на 11,4 километри, е-бајк на 9 километри и тим-билдинг трка за компании „Самит ран“ на 4,5 километри.
Трките започнаа во 9:45 часот од Музејот на град Скопје, со летечки старт пред ОУ „Кочо Рацин“, додека трчањето и тим-билдинг трката ќе стартуваа во 10:00 часот пред училиштето.
Целта на настанот е учесниците, без разлика дали се натпреваруваат или учествуваат рекреативно, да стигнат до врвот и да бидат дел од масовното искачување и енергијата што секоја година ја создаваат илјадници учесници.
На сите што ја завршија трката им беа доделени финишер медали, додека најдобрите во повеќе категории, во машка и женска конкуренција, беа наградени. Обезбеден е и награден фонд од 1.000 евра за поставување нови рекорди.
По завршување на трките, на врвот на Водно беше организира забавна програма со храна, пијалаци, диџеј и настап на бенд во живо, по што следуваше церемонија за прогласување на победниците.
ИЗДВОЕНИ
Граѓаните сами ќе избираат дали ќе одат во пензија на 62 или ќе работат до 73 години
До 20.000 евра за сопствен бизнис, но дали тоа ќе ги задржи младите дома?
14 годишно момче избодено со нож во населбата Ченто, семејството бара пронаоѓање на напаѓачите
Кој ги праќа осудениците во психијатрија наместо в затвор?
