И руски портал пишува за „моќното српско оружје“: „МиГ-29 првиот ловец во Европа опремен со хиперсонично оружје“

Српскиот ловец МиГ-29 доби кинески ракети CM-400AKG, произведени од компанијата CASIC и кои достигнуваат брзина до 6 маха и имаат дострел до 250 километри. Ова, пишува рускиот портал Лента, го прави српскиот МиГ-29 првиот ловец во Европа опремен со хиперсонично оружје.

Србија купи моќни кинески ракети, вели Вучиќ, Пленковиќ ќе го информира НАТО

Центарот за анализа на стратегии и технологии (CACT) објавува на својот Телеграм канал дека српскиот ловец МиГ-29 од руско производство е дополнително опремен со кинески аеробалистички ракети CM-400AKG, се додава во текстот на рускиот портал.

Приложената фотографија покажува дека МиГ-29 е опремен со две ракети воздух-земја CM-400AKG. Според податоците, ракетата, произведена од кинеската компанија China Aerospace Science and Industry Corporation (CASIC), има тежина на полетување од 910 килограми, боева глава со тежина од 150 до 200 килограми и може да помине растојание до 250 километри.

Според информациите од списанието „Милитари воч“ (MWM), пишува порталот „Лента“, ракетата CM-400AKG може да достигне брзина до 6 маха, што го прави српскиот MiG-29 првиот ловец во европскиот регион опремен со хиперсонични ракети.

Од друга страна, на веб-страницата на TWZ се наведува, дека максималната брзина на ракетата CM-400AKG е 4,5 маха, што не ја квалификува како хиперсонична, додава рускиот портал, Според публикацијата, оружјето има две главни варијанти, во зависност од главата за самонасочување: противбродска и радарска.

Претходно, каналот на Телеграм „Military Chronicle“, како што пишува рускиот портал, го сними појавувањето на ловци MiG-29A и ловци Yak-130 над Техеран.

Во јануари, Кристијан Ор, колумнист за американското списание 19FortyFive, се пожали дека рускиот борбен авион МиГ-29 од четвртата генерација едноставно одбива да исчезне, објави Лента, пренесува „Данас“.