Стотици Албанци ги урнаа физичките бариери на плажата Какоме на југот од земјата, протестирајќи против приватизацијата на јавните крајбрежни површини и контроверзниот проект за изградба на луксузен ресорт поврзан со Џаред Кушнер и семејството Трамп.
Според извештаите на албанските медиуми, стотици граѓани, жители на Нивица, Шен Василије и други околни градови, денес протестираа на плажата Какоме и срушија дел од оградите, стражарските куќи и бодликавата жица што го блокираа пристапот до дел од заливот. Демонстрантите рекоа дека плажите им припаѓаат на народот, а не на олигарсите, извикувајќи слогани како „Албанија не е на продажба“ и „Фламинго револуција“.
🚨🇦🇱 BREAKING: Albanians tore down barriers at Kakome Beach in southern Albania, declaring that the country's beaches belong to the people, not oligarchs
✊️🇦🇱As opposition to the controversial Kushner-Trump resort project intensifies, public anger is spreading over the… pic.twitter.com/GqSvlRmT8Z
— Anonymous TV 🇺🇦 (@YourAnonTV) June 21, 2026
Видеата објавени на социјалната мрежа X покажуваат како граѓаните ги отстрануваат оградите и влегуваат во оградениот дел од брегот, изразувајќи јавен отпор кон плановите што вклучуваат затворање на дел од заштитената крајбрежна линија за потребите на приватен туристички комплекс.
Протестите се дел од поширок бран протести во Албанија против приватизацијата на јавните средства и влијанието на странските инвеститори врз заштитените подрачја. Протестите се интензивираа поради плановите за изградба на голем луксузен ресорт на југот од земјата, што критичарите го сметаат за пример за корупција и концесија на национални ресурси на странски интереси на сметка на локалните жители и животната средина.
Акцијата во Какоме доаѓа во услови на растечко јавно незадоволство од политиките на владата на Еди Рама, која ја обвинуваат за фаворизирање на големите инвеститори на сметка на јавниот интерес. Демонстрантите велат дека ќе продолжат со своите акции сè додека не се запре понатамошната приватизација на крајбрежјето.
