Хари Кејн го напушта Баерн во шокантен трансфер!?

Напаѓачот на Баерн (М) и Англија, Хари Кејн, наводно е пред шокантен трансфер.

Таквата информација беше пласирана само неколку дена пред полуфиналниот реванш дуел во Лигата на шампионите против бранителот на тронот, тимот на  ПСЖ.

Откако се приклучи на Баерн (М) од Тотенхем во 2023 година, Кејн се покажа како повеќе од големо засилување.

Англичанецот постигна 139 гола и имаше 33 асистенции во 143 настапи за германскиот гигант.

Неговите голови му помогнаа на тимот на Винсент Компани да ја освои титулата во Бундеслигата, а исто така сите во Минхен се надеваат дека ќе стигнат до финалето на Лигата на шампионите.

Баерн (М) се надева дека ќе го задржи својот напаѓач, но Кејн би можел да ја напушти Германија ова лето. Според новинарот на „Спорт Билд“, Кристијан Фалк, ПСЖ сака да го потпише Хари Кејн за време на летниот преоден рок.

Фалк го откри ова во емисијата на Баерн-Инсајдер, но конечната одлука на Англичанецот сè уште се чека.

Кејн секако има опција да ја продолжи соработката со Баерн (М), но тешко е да се поверува дека ќе донесе каква било одлука пред крајот на Светското првенство.

Кејн претходно беше поврзуван со напуштање на Баерн (М) и враќање во Премиер лигата, а Тотенхем и Манчестер Јунајтед покажаа интерес за него.

На почетокот од актуелната сезона Англичанецот изјави дека неговата желба да се врати во Премиер лигата „се намалила“.

„Сè уште не сум имал такви разговори со Баерн, но доколку се појават, би бил подготвен за искрен разговор. Очигледно зависи од тоа како ќе помине годината или нешто слично и што ќе постигнеме заедно. Што се однесува до Премиер лигата, не знам. Да ме прашавте кога првпат дојдов во Баерн, ќе речев дека дефинитивно ќе се вратам. Сега, веројатно сè е малку намалено, но не би рекол дека никогаш нема да се вратам“, изјави тогаш Кејн.