СВР Битола поднесе кривична пријава против Н. Р. (22), М. И. (19), О. Н. (19), Л. Г. (19), А. Д. В. (18) и 15-годишник, сите од Битола, поради постоење основи на сомнение за сторени кривични дела „насилство“, „злоупотреба на лични податоци“, „неовластено снимање“ и „самовластие“.
Според полицијата, од февруари 2025 година пријавените дејствувале организирано како група. Тие креирале лажен профил на социјални мрежи во кој се претставувале како 14-годишна девојка и воспоставувале комуникација со машки лица. Потоа договарале средби на повеќе локации во Битола.
На договорените локации, членови на групата ги пресретнувале оштетените, ги снимале без нивна согласност, ги навредувале, омаловажувале и психички малтретирале. Тие ги принудувале да даваат изјави дека се „педофили“. Создадените видеозаписи и лични податоци потоа ги објавувале јавнo на социјални мрежи.
Од МВР велат дека со ваквите постапки кај оштетените предизвикале чувство на страв, понижување и загрозување на нивната сигурност.
ИЗДВОЕНИ
„Ги знаела процедурите, но ги знаела и шемите за продажба на бебиња“ – 8 години затвор за посредничката
Стевче Јакимовски доброволно замина на отслужување на затворската казна од шест и пол месеци
Потврдена пресудата доживотен затвор за убијците на Вања и Панче
Уапсен брачен пар од Скопје, мажот девет пати му забил нож во градите
