Град Скопје воспостави ново партнерство со „Скопје филм студио“, кое е организатор на Скопскиот филмски фестивал за развој на филмската уметност, побогата културна понуда и посилна меѓународна афирмација на главниот град.
Скопскиот градоначалник, Орце Ѓорѓиевски, и управителот на „Скопје филм студио“, Томи Салковски, потпишале меморандум за соработка со кој се воспоставува долгорочно партнерство.
– Нашиот град има силна филмска традиција, талентирани автори и публика што заслужува квалитетна и достапна култура. Со оваа соработка создаваме услови за натамошен развој на фестивалот и негово поцврсто позиционирање на регионалната и на европската културна сцена. Преку европски филмски програми, меѓународни партнерства и активности за младата публика, ќе отвориме нови можности за авторите и за посилно претставување на македонската кинематографија пред европската публика – наведе првиот човек на Градот.
Тој додаде дека во пресрет на „Скопје 2028 – европска престолнина на културата“, Град Скопје продолжува да гради партнерства што ќе придонесат за траен развој на културниот живот во градот.
– Скопје има приказни што заслужуваат да го обиколат светот и таленти што заслужуваат поддршка. Наша обврска е да им овозможиме простор да создаваат и да успеваат – заклучи Ѓорѓиевски.
ИЗДВОЕНИ
Како да не ни дојде паметот по Кочани: со инспекторите што ги има ДЗС, контрола на сите фирми ќе се направи за половина век!
До 365 дена возење во Хрватска, но не и во целиот Шенген
Македонските превозници си ги пакуваат куферите, кој ќе ја полни пензиската каса?
Хорор на плажа која ја обожаваат Македонците: Се појави опасно животно! (ВИДЕО)
