Општина Маврово и Ростуше почна акција за чистење и уредување на јавните површини во сите населени места.
– По директна насока на градоначалникот, Онер Јакупоски, согласно со програмските определби, општинската механизација и службите се на терен со цел да се опфати секој квадратен метар од територијата на општината – истакна Фикрет Ибраими, одговорен во Секторот за информирање во Општина Маврово и Ростуше.
Тој додаде дека поконкретно, акцијата вклучува расчистување на патиштата и јавните површини, со цел да се обезбеди чиста и здрава животна средина за сите жители.
Општинската механизација работи со полн капацитет, а чистењето се одвива етапно низ сите села во регионот.
– Нашата цел е јасна – чиста општина со која сите ќе се гордееме. Хигиената на јавните простори е наш приоритет, и затоа, во наредните денови, ќе продолжиме со висок интензитет сè додека не се исчисти и последната точка во општината – изјави Јакупоски.
Според Ибраими, освен расчистувањето, се работи и на санирање на ударните дупки на патиштата, со цел побезбеден сообраќај.
ИЗДВОЕНИ
ДВЕ ГОДИНИ ОД ВЛАДАТА НА ПРЕМИЕРОТ ХРИСТИЈАН МИЦКОСКИ, АНАЛИТИЧАРИТЕ ОЦЕНУВААТ: Половина мандат, половични оцени – најсериозните предизвици остануваат
Секој ден по две повреди на работното место, градежништвото останува најсмртоносно
Инспекторите им дишат во врат, Мицкоски им се закани со казни, ќе ги намалат ли цените маркетите?
Дизелот ќe поевтини за 7 денари, бензините до 4 денари по литар – Македонија со најевтини горива од соседите
