Милиони вработени низ цела Шпанија денеска, 18 дена пред парламентарните избори излегоа на генерален штрајк, прв во последните 14 години. Се бараат повисоки плати, попристапни станови и подобрување на јавните услуги.
Штрајкот почна со блокади на патиштата и судири меѓу демонстрантите и полицијата, објави РТВЕ. Организаторите, синдикатите ЦЦОО и УГТ објавија дека одзивот во првите смени бил масовен. Според нивните податоци, во штрајкот учествувале 90 проценти од вработените во автомобилската индустрија и пристаништата, 85 проценти во месната индустрија, 82 проценти во секторот за собирање ѓубре и 75 проценти во енергетскиот сектор.
Во Каталонија, демонстрантите блокираа повеќе од 30 сообраќајни точки, додека во Мадрид беше блокиран дел од кружниот пат M-30 во близина на населбата Легаспи. Во Меркамадрид, најголемиот центар за дистрибуција на храна во Шпанија, интервенираше полицијата. Синдикатите ја обвинија полицијата за прекумерна употреба на сила и попречување на работата на информативните ударни пунктови. Слични инциденти беа регистрирани во гаражите за јавен превоз во Мадрид, Малага и Гранада.
Генералниот секретар на синдикатот CCOO, Унаи Сордо, изјави дека штрајкот не е мотивиран од претстојните избори, туку од долгогодишниот проблем со недостапноста на домуви, особено за младите луѓе.
ИЗДВОЕНИ
Компаниите ќе можат да исплаќаат плати и придонеси од сметките на „Алта банка“
Екс членот на ДИК, Субхи Јакупи, познат по бонусите што си ги поделил со колеги за избори, стана претседател на Управниот суд
Мицкоски ветува нов сопственик, Филипче предупредува за ризиците, се отвори темата за наводните врски на ДУИ со Алта банка Србија
Обвинителството и МВР без детали за фемицидот во Богданци, женските организации бараат истрага за пропустите на институциите
