Исклучувањето на интернетот во Иран влезе во својот 52-ри ден, или 1.224 часа, оставајќи ја меѓународната поврзаност практично недостапна за повеќето граѓани, според организацијата за сајбер безбедност NetBlocks.
„Во Иран, исклучувањето на интернетот влезе во својот 52-ри ден, по 1.224 часа. Податоците покажуваат дека пошироката јавност останува отсечена од меѓународните мрежи, додека властите продолжуваат со своите напори да ги изолираат корисниците и да обезбедат селективен пристап на привилегираните групи“, соопшти организацијата во објава на страницата на социјалните медиуми X.
Исклучувањето на интернетот, кое започна кон крајот на февруари, веќе се смета за еден од најдолгите прекини на мрежата на национално ниво што некогаш се забележани, велат експертите.
Страниците за следење известуваат дека постојано е евидентиран систем на „селективен пристап“, каде што одредени услуги им се пуштаат на корисниците преку строго контролирани канали, додека остатокот од мрежата останува блокиран или ограничен, пренесува Танјуг.
ИЗДВОЕНИ
Саламите полни со вода, а сувомеснати пресолени за да се сокрие третокласното месо
Пари за седници без присуство, гориво за приватни возила и набавки без тендер: Ревизија откри низа пропусти во Академијата за судии и јавни обвинители
Полицијата откри сомнителна шема: Бебе било продадено на „посвоители“ за 500 евра
По пишувањето на ВЕЧЕР, Обвинителство ќе го ангажира професорот Богдан Богданов во истрагата за екоцид со мазутот
