Фабрицио Романо си фати работа со погрешни луѓе

Раководството на Ал-Ахли од Саудиска Арабија не беше задоволно од фактот што почитуваниот италијански новинар, Фабрицио Романо, ги објави деталите за трансферот на украинскиот фудбалер Артем Бондаренко.

Откако Романо објави дека вредноста на трансферот е 18 милиони евра, плус еден милион преку бонуси, раководството на Ал-Ахли реши да реагира на навистина жесток начин.

Италијанецот почна да добива закани, а саудискиот клуб беше јасен – ако не ја избрише објавата, ќе има проблеми.

„Раководството на Ал-Ахли му се закани на Романо. Тие најавија дека ќе објават и официјален демант на бројките што ги објави“, вели новинарот од Саудиска Арабија, Валид Ал Фараџ.

На крајот, Фабрицио тргна по патот на најмал отпор и избриша сè што напиша за трансферот.

Секако е интересно што навивачите на овој клуб не го сакаа Украинецот во својот клуб. Од страв од нив, раководството на клубот дури и не го објави неговото доаѓање на социјалните мрежи, туку само на официјалната веб-страница.

Офанзивниот играч од средниот ред дефинитивно ќе има тежок период во Саудиска Арабија. Навивачите не се на негова страна, а раководството на клубот ја покажа својата темна страна.

Со оглед на потезите што ги направија, се чини дека некој се обидува да ги „размрда“ бројките за трансфери. Романо беше конкретен, па заканите беа единственото решение за да исчезнат доказите од социјалните мрежи.

Сепак, интернетот памти сè. Романо е премногу влијателен и лесно е да се забележи кога нешто, едноставно, ќе исчезне.

Овој пат, Италијанецот не сакаше да започнува војни и одлучи да ја избрише објавата затоа што заканите беа многу сериозни.

Саудијците тврдат дека договорот меѓу Ал-Ахли и Шахтјор, всушност, чинел три пати помалку од она што го објави Романо, имено шест милиони евра, плус еден милион бонуси.