Европската Унија ја отфрла секоја идеја за „плаќање такса“ за користење на Ормускиот теснец, каде што мора да се одржува слободата на пловидба, изјави портпаролот Анвар ал-Ануни.
„Меѓународното право ја штити слободата на пловидба, а тоа значи она што го кажува самиот термин – без плаќање, без никаков вид такса“, рече ал-Ануни.
„Ормускиот теснец, како и секој друг воден пат, е јавно добро што му служи на целото човештво“, а „тоа значи дека пловидбата мора да биде бесплатна“, додаде тој.
Воведувањето систем на плаќање такси за премин низ Ормускиот теснец би било „неприфатливо“, изјави францускиот министер за надворешни работи Жан-Ноел Баро, додека американскиот претседател Доналд Трамп во средата предложи создавање заедничко здружение кое би управувало со пловидбата низ теснецот за одредена такса.
САД и Иран се согласија за прекин на огнот во средата вечерта, што вклучува клаузула за повторно отворање на Ормутскиот теснец за бродови.
Преминот, кој е клучен за глобалната трговија со јаглеводороди, претходно беше блокиран од иранските власти. Тој е под нивна контрола од почетокот на војната што ја започнаа САД и Израел на 28 февруари.
ИЗДВОЕНИ
САМИТОТ НА ПСЈИЕ ВО СОФИЈА- Сиљановска-Давкова: Балканот има потреба од дебалканизација преку европеизација
ЗАВРШИ УШТЕ ЕДНА УЧЕБНА ГОДИНA, НО ГРИЖИТЕ ОСТАНУВААТ: Одѕвони и последното ѕвонче за годинава, ќе има ли повеќе ученици во клупите во септември?
Македонските конфекции добиваат 5 евра за кошула „хуго бос“, европските продавници ја продаваат за 40 евра
Го уништивме „Езеро Треска“, а за’рѓаа и реквизитите во аквапаркот
