Поранешниот портпарол на некогашниот проруски премиер на Украина е ранет во експлозија на автомобил во Москва во петокот, јавуваат руските медиуми.
„Комерсант“ објави дека Сергеј Заворотни – поранешен близок соработник на Микола Азаров, кој беше премиер на Украина од 2010 до 2014 година – е хоспитализиран по експлозија на автомобил во населбата Чертаново.
Ова е втор ваков напад со експлозивна направа во Русија во рок од два дена, наведува Ројтерс. Москва ја обвинува Украина за претходните напади насочени кон високи воени претставници и поединци вклучени во руските воени напори.
„Рен ТВ“ и каналот на „Телеграм“ – „112“ објавија дека Заворотни ја изгубил левата рака во нападот и моментално е хоспитализиран со потрес на мозокот, скршени ребра и други повреди.
Pro-Kremlin commentator Sergey Zavorotny was reportedly seriously injured when his vehicle suddenly exploded in Moscow this morning. https://t.co/bST5R4mgbN
— OSINTtechnical (@Osinttechnical) November 13, 2026
Поранешниот шеф на Заворотни, Азаров, побегна во Русија во 2014 година, откако по револуцијата на Мајдан во Украина беше соборен прорускиот претседател Виктор Јанукович – кој претходно се откажа од ветувањето за поблиски врски со Европската Унија – пренесува Ројтерс.
Во петокот, Азаров изјави за руската државна новинска агенција ТАСС дека нема информации за експлозијата на автомобилот, освен фактот дека Заворотни преживеал.
The car of Ukraine's ex-PM Azarov's former press secretary exploded in Moscow.
Sergey Zavorotny served Ukraine's legitimate government before the Maidan coup, then fled to Russia.
He's now in the hospital.
We all know who did this. pic.twitter.com/4vZQTakFp7
— Chay Bowes (@BowesChay) November 13, 2026
Еден ден претходно, во Санкт Петербург беше убиен руски воен претставник. Во одредени случаи, украински извори преземаа одговорност за ваквите напади, додека во други, ја негираа својата вмешаност. Киев не го коментираше нападот што се случи во четвртокот.
