Европската централна банка (ЕЦБ) предлага ублажување на дел од регулаторните и надзорните барања за малите и помалку сложени банки во еврозоната, без притоа да се намалат клучните мерки за финансиска стабилност. Предлогот доаѓа по искуствата со пропаѓањето на американските регионални банки, меѓу кои Силикон Вали Банк и Сигнатур Банк, кои повторно го отворија прашањето за соодветноста на надзорните правила за помалите финансиски институции.
Френк Елдерсон, потпретседател на Надзорниот одбор на ЕЦБ, предлага правилата да се применуваат попропорционално за банките со поедноставени активности. Една од мерките е зголемување на прагот за определување на „мала банка“ од 5 на 10 милијарди евра средства, при што националните специфики би се земале предвид. Со промената, уделот на банките што би биле опфатени со поедноставени правила би можел да се зголеми од 75 на 85 проценти. Тоа би опфатило околу 150 дополнителни банки.
ЕЦБ планира и намалување на административниот товар. Речиси 1.000 мали банки би можеле да бидат ослободени од подготовка на сопствени прогнози за стрес-тестовите. Дополнително, бројот на финансиски индикатори што ги доставуваат до супервизорите би се намалил од околу 13.500 на само 700.
ЕЦБ ќе ги спроведе мерките во рамките на своите овластувања, додека за останатите ќе бидат потребни измени на европските регулативи.
ИЗДВОЕНИ
Археолозите открија богат војнички гроб со злато и со оружје од 6. век пр.н.е. кај струшкото село Корошишта
Средба во Софија ќе има, ама ќе има ли пробив за Македонија?!
Се отвори Пандорината кутија, нема ДНК-доказ дека останките се на цар Самуил!
Се нижат згради, становите зјаат празни – кој трие раце?
