Две лица се убиени, а неколку повредени во пукање на уличен фестивал во Торонто – причината за крвавиот инцидент се уште не е јасна

Две лица се мртви, а неколку други се повредени во пукотница на уличен фестивал во Торонто, соопшти локалната полиција.

Во соопштението се вели дека двајца стрелци размениле оган на настан за танцување салса на Сент Клер, пренесува „Си-би-ес њуз“.

Пукањето започнало кратко по 20 часот по локално време на салса фестивал во населбата Сент Клер на аголот од авениите Вест и Арлингтон.

Медицинските екипи се уште се на местото на настанот и им помагаат на повредените, а полицијата го обезбеди местото на настанот и им советува на граѓаните да се држат подалеку од областа.

Заменик-началникот на полицијата, Френк Баредо, го потврди пукањето и рече дека причината за пукањето сè уште не е јасна.

„Се чини дека ова била размена на огнено оружје меѓу две лица кои се насочувале едни кон други“, рече Баредо.

Во објава на социјалните мрежи, градоначалничката на Торонто, Оливија Чоу, изјави дека е „згрозена и лута од пукањето“.

„Ова беше бесмислен, гнасен чин на насилство на преполн фестивал. Моите мисли се со семејствата, пријателите и заедниците на оние кои беа повредени или трагично изгубени“, рече Чоу, заблагодарувајќи им се на органите за спроведување на законот за нивната брза реакција и повикувајќи ја полицијата да ги пронајде одговорните.