Дали киднапирањето на Даниел Кајмакоски е нарачано од лице кое пејачот одлично го познава?

Помина еден месец откако познатиот пејач Даниел Кајмакоски беше киднапиран во Белград. Оттаму, истражните органи откриваат дека тоа, најверојатно, било нарачано од лице кое пејачот одлично го познава!? Иако киднаперите сè уште се во бегство, најновите сознанија се застрашувачки. Меѓутоа, се отвораат нови прашања за мотивите зад тој брутален напад.

Адвокатот на пејачот, Бранислав Станишиќ, потврди дека неговиот тим и надлежните имаат сериозни сомневања поврзани со луѓе од блиското опкружување на Кајмакоски. Според расположливите информации, самите извршители на киднапирањето се, најверојатно, странци. Платени наемници кои биле ангажирани за оваа работа. Физичкиот изглед, како и јазикот на кој комуницирале напаѓачите, сугерираат дека потекнуваат од Турција, Македонија или се дојдени од Виена, Австрија. Тоа се локациите на кои пејачот често се движел, и од професионални и од приватни причини.

Истрагата ќе мора да утврди кој го нарачал киднапирањето. Сега Кајмакоски се соочува и со значајни финансиски загуби.  Неговиот луксузен џип вреден 30.000 евра беше задржан со недели во полицијата, а при враќањето бил оштетен за сума од 5.000 евра. Бидејќи возилото немало сеопфатно осигурување, а виновниците сè уште не се уапсени, пејачот бил принуден да ја плати поправката од својот џеб. И тоа, браникот, тркалото, радијаторот со цел агол, речиси сè било скршено.