Тренерот на Волфсбург, Тобијас Штробл, отворено проговори за иднината на Кристијан Ериксен по неговите сериозни здравствени проблеми. Ериксен моментално е на рехабилитација во Данска, откако, во јуни, колабираше во текот на пријателскиот натпревар меѓу Данска и Украина. Поради здравствената состојба, 34-годишниот фудбалер досега нема настапено за Волфсбург оваа сезона и не е познато кога би можел да се врати на теренот.
По убедливата победа на Волфсбург над Дармштад од 5:1, Штробл беше прашан дали би ја разбрал одлуката на Ериксен доколку реши да ѝ стави крај на кариерата.
- Како тренер, морам да бидам внимателен и не сакам да се мешам. Но, од човечка страна, јас би се повлекол – изјави Штробл за „Скај спортс“.
Ериксен има договор со Волфсбург до летото 2027 година, но неговото продолжување на кариерата во моментов останува неизвесно. Данецот пристигна во клубот минатата година и досега има одиграно 34 натпревари.
Во овој момент најважни се неговото целосно закрепнување и враќањето кон нормалното секојдневие, а конечната одлука за фудбалската иднина ќе биде донесена подоцна.
