Цените на суровата нафта денеска пораснаа за четири отсто, на 59,4 долари по барел, закрепнувајќи од четиригодишното дно откако техничките индикатори сигнализираа заситеност на пазарот.
Цените, исто така, се зголемија благодарение на враќањето на кинеските купувачи по празниците, објави „Трејдинг економикс“.
Покрај тоа, знаците за потенцијално забавување на производството на нафта од шкрилци во Соединетите Американски Држави помогнаа да се ублажат загриженостите за прекумерна понуда.
Независната компанија за нафта и природен гас „Дајмондбек енерџи“ ја намали својата прогноза за производство и предупреди за претстојниот пад на активноста за копнено дупчење.
Во меѓувреме, умереното намалување на официјалните продажни цени на Саудиска Арабија сигнализираше претпазлив пристап кон пазарниот удел откако Организацијата на земјите извознички на нафта (ОПЕК Плус) се согласи да го зголеми производството во јуни, објави „Танјуг“.
ИЗДВОЕНИ

СЕ ЗАПАЛИ ВОЗИЛО ВО ПОДЗЕМНИОТ ПАРКИНГ НА КАМ МОЛ: Чад се шири низ објектот, евакуирани посетителите/ФОТО/ВИДЕО

Австрија со нова поддршка за медиумите, ќе издвојува милиони евра за весниците и за дигиталното новинарство

Не е прашање каков бизнис ќе започнете, туку дали ќе најдете работници

Работниците на „Факом“ и „Бетон“ десет месеци без плати, придонеси и здравствено осигурување








