Цените на нафтата денес паднаа на најниско ниво за повеќе од една недела, откако обновените дипломатски разговори за стабилизирање на Ормускиот теснец ги подобрија очекувањата за глобалната понуда.
Цената на суровата нафта од Северното Море Брент падна на околу 84 долари за барел, додека американската лесна сурова нафта WTI падна на околу 79 долари за барел, објави „Трејдинг економик“.
Иранскиот министер за надворешни работи, Абас Аракчи, одржа одделни разговори со министрите за надворешни работи на Саудиска Арабија и Оман за враќање на безбедноста во Ормускиот теснец, една од најважните светски транспортни линии за нафта, по прекините предизвикани од конфликтот меѓу САД и Иран.
