Бројот на жртви во земјотресите во Венецуела се искачи на 4.333, 16.740 повредени – перациите за пребарување и спасување продолжуваат

Бројот на жртви од земјотресите што ја погодија Венецуела на 24 јуни се искачи на 4.333, со 16.740 повредени, изјави претседателот на Националното собрание и раководител на привремените кампови, Хорхе Родригез.

Тој рече дека 315 лица сè уште не се идентификувани меѓу загинатите, додека 6.462 лица се спасени од урнатините, а околу 17.000 жители останаа без покрив над главата.

Родригез нагласи дека операциите за пребарување и спасување продолжуваат.

„Додека има живот, има надеж. Сè уште имаме едно или две места каде што ситуацијата останува неизвесна, каде што активно бараме преживеани“, рече тој на неодамнешната прес-конференција.

Родригез објави дека вршителот на должноста претседател на Венецуела, Делси Родригез, ќе ги додели првите 200 станови на погодените семејства следната недела.

Според официјалните податоци, 856 згради се оштетени, од кои 190 се целосно уништени или претрпеле сериозни структурни оштетувања. Властите проценуваат дека се потребни околу 25.000 станбени единици. Идентификувани се околу 40 локации со вкупна површина од околу 584.000 квадратни метри за изградба на нови населби во областите Осма и Чуспа.

Како дел од дневниот извештај, Родригез изјави дека 86.794 семејства добиле помош и дека се дистрибуирани 9.766 тони храна и 16.617.508 литри вода, пренесува „Танјуг“.

Дополнително, претседателот на венецуелскиот парламент изјави дека се поставени 94 привремени кампови за да се помогне на населението погодено од земјотресите, кои предизвикаа 1.202 последователни потреси.

Тој, исто така, истакна дека медицинска помош им е пружена на 31.193 пациенти.

Родригез на прес-конференција изјави дека 91 процент од пациентите погодени од земјотресите кои биле лекувани во меѓународни теренски болници или национални болници веќе се отпуштени и се надвор од опасност.

Тој исто така рече дека 2.422 меѓународни спасувачи остануваат во земјата за да соработуваат во спасувачките напори, додека 31.837 национални спасувачи се распоредени во различни бригади во земјата.

Отстранувањето на урнатините во Венецуела по разорните земјотреси и потресите е бавно со цел да се заштитат потенцијалните преживеани, рече претседателот на Националното собрание на Венецуела и началник на кабинетот на привремените кампови, Хорхе Родригез.

Тој рече дека меѓународните спасувачи имаат опрема што детектира срцеви отчукувања или телесна температура и дека овие алатки го олеснуваат лоцирањето на преживеаните или домашните миленици, но дека ова е можно само за време на процесот на отстранување на урнатините, објави VTV.

Тој објасни дека ако процесот се забрза и веднаш се донесе тешка машинерија за преместување на големи количини материјал, „не знаеме дали би можеле да изгубиме некој човечки живот во процесот“.

Тој исто така нагласи дека семејствата сакаат да ги пронајдат телата на своите починати роднини. Претседателот на Националното собрание рече дека од петок, 315 лица сè уште се неидентификувани.

„Дури и кога им беа земени отпечатоци од прсти, не беше можно да се поврзат со документ за идентификација во Административната служба за идентификација, миграција и странци (SAIME)“, рече Родригез, додавајќи дека оваа група претставува само седум проценти од вкупниот број на смртни случаи.

Во разорните земјотреси што ја погодија Венецуела на 24 јуни загинаа повеќе од 4.000 луѓе, а 16.740 беа повредени.