Големата британска пресметка меѓу британските боксери Ентони Џошуа и Тајсон Фјури, можеби, нема да се одржи во Велика Британија. Според „Бокс сцена“, сè поверојатно е дека ќе биде преместена борбата во Њујорк откако преговорите за нејзино организирање на стадионот „Вембли“ се најдоа во ќор-сокак. Според изданието, разговорите за одржување на борбата во Лондон се водат веќе неколку месеци.
Во нив активно учествувал и претседателот на Саудиската агенција за забава, Турки Алалших, кој инсистирал борбата да почне доцна навечер по локално време за да се емитува во попогодна временска зона за гледачите во Саудиска Арабија. Сепак, според информациите, организаторите на „Вембли“ не се согласиле со таа опција, што довело до неуспех на преговорите. Така, во моментов Њујорк се појавува како најверојатна дестинација за една од најочекуваните боксерски борби во последниве години.
Доколку се финализира, мечот Џошуа – Фјури ќе им стави крај на шпекулациите околу британскиот судир што го чекаа навивачите со години.
ИЗДВОЕНИ
УЧИЛИШТАТА ЌЕ ГО ДОЧЕКААТ СЕПТЕМВРИ СО 3.000 ПРВАЧИЊА ПОМАЛКУ: Белата чума урива историски рекорди во Македонија, ќе заѕвони ли ѕвончето за тревога?!
Дел од онколошката терапија пристигна, другиот за два дена
Граѓаните чекаат поевтина струја и повеќе часови евтина тарифа
Вината се бара на погрешно место – откупувачите пријавуваат субвенции, а не земјоделците
