Здравствените власти во бразилската држава Сао Паоло истражуваат сомнителен случај на ебола пријавен денес во главниот град на државата, соопштија официјални лица.
Маж од Демократска Република Конго добил треска по неодамнешната посета на африканската земја, каде што избувна епидемија на ебола, објави „Ројтерс“.
Пациентот е во изолација во болница специјализирана за лекување на сомнителни или потврдени случаи на болеста, соопштија властите во соопштението.
Во меѓувреме, министерот за здравство на Конго, Самуел Роџер Камба, вчера изјави дека бројот на сомнителни случаи на ебола се искачил на 1.028.
Директорот на Светската здравствена организација (СЗО), Тедрос Аданом Гебрехесус, кој пристигна во Киншаса за да го поддржи Конго во борбата против еболата, во петокот изјави дека смртоносната епидемија на ебола во таа земја може да се запре, пренесува „Танјуг“.
ИЗДВОЕНИ
Условна казна од една година за експретседателката на Антикорупциска
Внимание и со саламите од шопинг во Србија може да се пренесе свинска чума
„Талир 2“ падна, Груевски ослободен, седиштето на ВМРО-ДПМНЕ одмрзнато
Почеток на нова фаза од мандатот: Собранието ја изгласа реконструкцијата на Владата – 8 нови министри кои треба да донесат нова енергија и уште поголема одговорност
