Општина Кисела Вода, во соработка со Кинотеката на Македонија, овој викенд организира бесплатни филмски проекции на отворено, во амфитеатарот на Домот на културата во Драчево.
На програмата се две познати македонски остварувања во режија на Дарко Митревски.
Утре од 20:00 часот ќе биде прикажан филмот „Бал-кан-кан“. Публиката ќе има можност да ја види оваа комедија со актерските остварувања на Раде Шербеџија, Ерол Кадиќ и на Салаетин Билал. В недела од 20:00 часот, на репертоарот ќе биде „Трето полувреме“, филм инспириран од вистински настани, со улогите на Сашко Коцев, Катарина Ивановска, Ричард Самел и на Раде Шербеџија.
Влезот за двете проекции е слободен.
Од Општина Кисела Вода ги покануваат сите љубители на филмот да се придружат со своите семејства и пријатели на оваа викенд-дружба посветена на македонската кинематографија.
ИЗДВОЕНИ
Граѓаните се жалат на нередовно читање на водомерите, паушални фактури и високи сметки
Следи нов бран поскапувања наесен, Владата само уверува дека цените се под контрола
Детското престапништво во Гевгелија е во пораст – аларм за итна акција на сите институции
Млад Македонец паднал од тобоган и го повредил вратниот пршлен на одмор во Турција, ќе биде донесен со владиниот авион
