Алармни системи во училиштата и 190 камери на јавните површини ќе спречуваат девијантни појави

По вандализмот во најголемото основно училиште „Ванчо Прќе“ во Штип, градоначалникот Иван Јорданов најави дека во сите училишта, освен што има видеонадзор, ќе бидат поставени и алармни системи со цел дополнително да се превенира против ваквите девијантни појави.

– Имаме видеонадзор на сите образовни институции, но дополнително, за да се превенира и за полесно да се идентификува и лоцира проблемот, потребно е да бидат лоцирани алармни системи, кои ќе сигнализираат и ќе овозможат да се спречи девијантна појава во иднина, како што имавме во ООУ „Ванчо Прќе“ – изјави Јорданов

По вандализмот во најголемото основно училиште „Ванчо Прќе“ во Штип, градоначалникот Иван Јорданов најави дека во сите училишта, освен што има видеонадзор, ќе бидат поставени и алармни системи со цел дополнително да се превенира против ваквите девијантни појави. Во ова училиште беа уништени смрт-табли, компјутери, надгледни средства, а имаше и обид да се поплави еден од катовите.

– Имаме видеонадзор на сите образовни институции, но дополнително, за да се превенира и за полесно да се идентификува и лоцира проблемот, потребно е да бидат лоцирани алармни системи, кои ќе сигнализираат и ќе овозможат да се спречи девијантна појава во иднина, како што имавме во ООУ „Ванчо Прќе“ – изјави Јорданов. 

Тој нагласи дека за превенција против ваквите вандалски појави, низ градот ќе се постават и 190 безбедносни камери, и тоа пред институциите, низ централното градско подрачје, пред училиштата и градинките, како и низ парковите.

– Тоа што го планираме е и на јавните површини, на голем дел од пристапите до самите институции да се постават безбедносни камери, кои верувам дека ќе му служат на СВР-Штип, кога ќе има ваков инцидент, за полесно да се утврди сторителот и да се санкционира – изјави градоначалникот на Општина Штип, Иван Јорданов.

За да се подигне свеста кај малолетниците за одговорното однесување, во наредниот период, покрај технички мерки, ќе се организираат и обуки и работилници со родителите, наставниците, учениците. Целта е психолози и педагози да разговараат со нив, но ќе зборуваат и за последиците од девијантното однесување и како може да влијае тоа врз нивниот живот.

Инаку, штетите во училиштето „Ванчо Прќе“ се санирани и ова е прв ваков упад во едно штипско училиште.