Сојузот на одгледувачи на овци предупредува дека е алармантна состојбата со заразните сипаници кај малите преживари во земјава. Од Сојузот велат дека секојдневно се регистрираат нови жаришта во повеќе региони, што претставува сериозна закана за и онака ранливиот сточарски сектор и може да предизвика големи економски загуби кај одгледувачите.
Тие бараат итна лабораториска и генетска типизација на вирусот, врз основа на која би се набавила соодветна вакцина. По пристигнувањето на вакцините, од Сојузот бараат системска и контролирана вакцинација на целото национално стадо овци и кози.
– Досегашните парцијални мерки и затворањето на фармите повеќе не даваат реални резултати на терен. Зачувувањето на живиот фонд мора да биде апсолутен приоритет. Доколку дозволиме вирусот неконтролирано да се прошири во секое бачило, последиците за македонското овчарство може да бидат трајни и ненадоместливи – велат од Сојузот.
Одгледувачите бараат надлежните ветеринарни и научни институции итно да преземат мерки за утврдување на типот на вирусот и за прекинување на неговото ширење.
ИЗДВОЕНИ
За модулатните болници нема виновни – предметот затворен!
Затворена предистрагата за набавка на модуларните болници за време на Ковид кризата
ЕКСПЛОЗИВНИ РЕАКЦИИ ОД ВОЗАЧИТЕ КОИ ТРАНЗИТИРААТ НИЗ ЗЕМЈАВА: „Безбеден град“ ги запира странците со неплатени казни
Скопските пожарникари на пат кон Мариово, се вклучуваат во гаснењето на пожарот!
