14-годишно момче било претепано и избодено со нож на 22 јуни во скопската населба Ченто. Според тврдењата на неговото семејство, за неколку портали, тој бил нападнат без никаква причина од три лица додека се движел кон улицата „Финска“. Напаѓачите најпрво го претепале, а потоа едно од лицата го избодело со нож седум пати во пределот на грбот. По нападот, момчето било оставено без свест, сè додека случаен минувач не го пронашол и не повикал Итна помош и полиција.
Повредениот малолетник бил итно пренесен во Ургентниот центар, каде што бил опериран. Семејството бара брзо расчистување на случајот и пронаоѓање на сторителите. Тврдат дека место обид за убиство случајот се водел како насилство.
Од МВР потврдуваат дека случајот е пријавен и дека се преземаат мерки за негово расчистување.
Од слобода се лишени Ј. Ј., В. А. и В. С. од Скопје затоа што физички нападнале малолетно лице и му нанеле повреди со остар предмет“, велат од мвр.
Според полицијата, со осомничените се извршени службени разговори, а по целосното документирање на случајот, против нив ќе биде поднесена соодветна кривична пријава.
Од Обвинителството информираат дека сеуште немаат добиено кривична пријава од МВР за настанот.
ИЗДВОЕНИ
Имаме евтино жито, а скап леб – пченицата падна од 20 на 10, а лебот се качи од 25 на 35 денари
Инфлацијата во Македонија од 14,7 падна на 2,3 отсто и е под европскиот просек
Македонија станува големо градилиште, се гради на повеќе од 1.200 локации
Софија Ампова, првата акушерка во Гевгелија – Помогнала при раѓањето голем број гевгелиски деца
