Kонцертот на познатиот македонски музичар на нарони инструменти Драган Даутовски на археолошкиот локалитет Врбјанска Чука, в недела (23-ти август) во 18:30 часот ќе одржи концерт. Тој ќе биде пропратен со кратко предавање за оваа неолитска населба и нејзинината трансформација во антиката и средниот век.
Концертот е дел од традиционалните настани кои повеќе години се одржуваат на крајот од истражувањето на локалитетот Врбјанска Чука. На овој начин културното наследство повеќе се доближува до пошироката публика, но воедно на оваа неолитска населба ѝ се дава нов контекст претворајќи ја во интимен концертен амбиент. А за оваа пригода веројатно нема посоодветен музичар од Драган Даутовски, кој со своето маестрално музицирање на неолитската топчеста флејта, ќе нѐ пренесе во светот на предисторијата и на Врбјанска Чука ќе ѝ го вдахне животот што таму бил присутен пред 8 000 години.
Настанот е во организација на Центарот за истражување на предисторијата, Прилепскиот џез викенд и Завод и музеј – Прилеп, со што се финализираат овогодишните археолошки ископувања на локалитетот Врбјанска Чука. Концертот финансиски е подржан од Општина Кривогаштани, Општина Прилеп и компанијата Гурмано, и на него се поканети сите заинтересирани љубители на древната музика и предисториското минато.
ИЗДВОЕНИ
43 случаи на западнонилска треска, вирусот потврден и кај мртов гавран во Скопје
Странците можат онлајн да ги проверат и платат сообраќајните казни од „Безбеден град“
ДУИ „ЗА“ ПРЕДВРЕМЕНИ ИЗБОРИ, СДСМ „ПРОТИВ“: Власта фрли ракавица, опозицијата се подели
Прво Скопје и Софија да се доближат, па Мицкоски и Радев на маса
