По промената на времето следуваат облачни и постудени денови, со повремени локални врнежи од дожд, а на повисоките планини и со снег. Продорот на постуден воздух од север ќе донесе пад на температурите и засилен ветер, кој особено ќе биде изразен долж Повардарието.
Денеска времето ќе биде претежно облачно и постудено, со повремени локални врнежи од дожд. Пообилни врнежи се очекуваат во југоисточните делови од земјава, додека на некои од повисоките планини дождот повремено ќе преминува во снег.
Ќе дува умерен до засилен ветер од северен правец, кој најмногу ќе се чувствува долж Повардарието.
Во Скопје ќе преовладува облачно и постудено време, со повремени врнежи од дожд. Ќе дува умерен северен ветер, кој во делови од котлината повремено ќе биде засилен.
Променливо и студено време во текот на седмицата
И во текот на седмицата ќе продолжи периодот на променливо облачно и постудено време. Во петок се очекуваат повремени локални врнежи од дожд, кои на некои од повисоките планини ќе преминуваат во снег.
Особено внимание треба да се обрне на ветерот, кој ќе биде засилен од северен правец, а на одделни места ќе достигнува и брзина над 60 километри на час.
Постудениот воздух ќе го задржи зимскиот карактер на времето на повисоките планински предели, каде што се очекуваат повремени снежни врнежи.
