Украинскиот претседател Володимир Зеленски соопшти дека денеска телефонски разговарал со американскиот претседател Доналд Трамп и се договорил да се сретне со него во Њујорк.
„Штотуку разговарав со претседателот Трамп. Тоа беше важен разговор во текот на кој успеавме да разговараме за многу работи. Се договоривме за средба во Њујорк, а таа средба би можела многу да промени. Постои дипломатски замав“, изјави Зеленски на „Фејсбук“.
Зеленски истакна дека им се заблагодарил на американските пратеници Стив Виткоф и Џаред Кушнер за нивната посета на Киев, пренесе „Танјуг“.
