Бројот на случаи на вирусот Западен Нил во Грција е во пораст во последните недели. Според најновите бројки од грчките здравствени власти, оваа година се регистрирани 157 случаи, додека 13 лица починале. Само во изминатата недела се регистрирани 47 нови случаи и четири дополнителни смртни случаи.
За споредба, до крајот на јули имало 42 случаи, додека до 12 август имало 110, што покажува колку брзо се зголемува бројот на инфекции.
Најголем број случаи е регистриран во регионот Атика, или поширокото подрачје на главниот град Атина. Во значителен број случаи, вирусот го зафатил централниот нервен систем, што може да доведе до енцефалитис, менингитис и други сериозни невролошки компликации.
Вирусот Западен Нил се пренесува преку заразени комарци. Повеќето луѓе кои доаѓаат во контакт со вирусот немаат симптоми или развиваат лесна болест, додека ризикот од тешка болест е поголем кај постарите лица, особено кај оние со постоечки здравствени проблеми.
Загрижувачкиот тренд не е ограничен само на Грција. Зголемена активност на вирусот е регистрирана и во други делови од јужна Европа, поради што здравствените институции апелираат до граѓаните да бидат дополнително претпазливи и да се заштитат од каснувања од комарци. ECDC, исто така, го следи сезонското ширење на вирусот во Европа.
Без симптоми кај повеќето, но опасен за некои! Може ли да се заштитите од вирусот Западен Нил?
ИЗДВОЕНИ
Гужви на Табановце, нервозата меѓу возачите на работ на инцидент
Скопските пожарникари на пат кон Мариово, се вклучуваат во гаснењето на пожарот!
Стартуваше новиот механизам: Казните од „Безбеден град“ ги дочекаа странците на граница
Без симптоми кај повеќето, но опасен за некои! Може ли да се заштитите од вирусот Западен Нил?
