Прогласена е кризна состојба во земјава поради зголемена појава на пожарите, во траење од 30 дена, соопшти портпаролката на Владата, Марија Митева по завршувањето на седницата на Владата. Оваа одлука е донесена по денешните состаноци поради сложеноста на теренот, високите температури, силните ветрови и ризикот за животната средина.
„Ова на терен значи се овозможува интегриран пристап и координирано дејстување на сите надлежни институции, Армијата, полицијата, противпожарната, Центарот за управување со кризи (ЦУК) и Дирекцијата за заштита и спасување (ДЗС), како и локалните самоуправи. Ќе се мобилизираат сите ресурси, човечки, технички, логистички, со цел да се справиме со пожарите и заштита на населението“, кажа Митева.
Таа рече дека Владата ќе обезбеди итна и навремена помош за сите засегнати подрачја заради спречување поголеми последици.
Според последните информации од Центарот за управување со кризи, до 12:30 часот имаше десет пожари на отворен простор, од кои 9 се уште активни, меѓу кои и оној во Опшина Чучер-Сандево помеѓу селата Блаце и Чучер, каде два дена гори мешана шума и ниска вегетација и кој утринава е ставен под контрола.
ИЗДВОЕНИ
Домашните трговски марки со силен извозен потенцијал добиваат нов поттик
Струјата, од следната година, би можела да поевтини за 5 до 10 проценти, најави Мицкоски
Расте револтот во аграрот, земјоделците бараат смена на Трипуновски и најавуваат протести
Судење за трагедијата во „Пулс“: Хотели се контролирале, дискотеки не – Салиу во судница го оспори својот потпис
