Министерството за домашна безбедност на САД објави дека Универзитетот Харвард ќе го загуби правото да запишува странски студенти доколку не ги исполни барањата на администрацијата на претседателот Доналд Трамп.
Секретарот за домашна безбедност Кристи Ноем вчера објави и откажување на два федерални грантови за Харвард во вкупна вредност од над 2,7 милиони долари, објави Ројтерс.
Ноем испрати писмо до раководството на Харвард, барајќи документација за, како што рече, „незаконски и насилни активности“ на странски студенти во институцијата до 30 април.
